تصورت الفراق ولاقدرت أتحمل الصورة..
أجل وشلون لو إنه يجي وشلون حزاته..
صحيح إن كلمته سهلة وعند الناس مقدورة..
ولكن هقوتي محد يحبه وعاش لحظاته..
تصورته كما موج خذاني لقيت بحوره..
وشهقت الموت ياربي عظيمة حيل سكراته..
تصورته كما قبر يضيق ويختفي نوره..
أحس بكل من حولي وأنا أسمع كل خطواته..
تصورته سحاب فات وأرضي ترتجي مطروه..
مضى له بالهوا ماضي وشان الوقت مكانه..
تصورته كما البستان وغيري يقطف زهوره..
كثير ماضاع جهدي فيه وغيري نال زهراته..
تخيلته كذا مرة وبكت عيني كذا صوره..
أجل وشلون لو إنه يجي وشلون لحظاته..
